KAS rrëzon ankimin e opozitës, zgjedhjet lokale në Himarë nuk do të përsëriten.

Pretendimet e koalicionit opozitar “Bashkë Fitojmë” u hodhën poshtë nga trupa e KAS-it që nuk pa të provoheshin pretendimet e ngritura në kërkesën e datës 9 gusht, 5 ditë pas procesit zgjedhor në Himarë.

Opozita kërkoi shpalljen të pavlefshme të zgjedhjeve në Himarë, pasi sipas saj rreth 6000 mijë qytetarë nuk votuan dot për shkak të kartave të skaduara, ndërsa 300 votues të rinj iu shtuan bashkisë së Himarë për këto zgjedhje.

Me këtë vendim të KAS-it pritjes së Vangjel Tavos për të marrë mandatin e kryebashkiakut të Himarës të fituar në garën përballë Petro Gjikurisë, po i vjen fundi.

Por para se të bëj betimin, Tavo do duhet të presë edhe një tjetër hallkë procedurale, vendimin e Kolegjit Zgjedhor që vulos përfundimisht fatin e kësaj bashkie.

Zgjedhjet në Himarë u përsëritën pasi fituesi në 14 prill 2023, Fredi Beleri u dënua nga gjykata për korrupsion zgjedhor.

LEXONI GJITHASHTU:

• Pretendimet e opozitës, KAS vendos hapjen e kutive në Bashkinë e Himarës
• Gjikuria kritikoi procesin zgjedhor në Himarë, Tavo: I keqardhur për reagimin tënd