Tre akuza për bosin e ‘Telegram’, Pavel Durov i ndalohet largimi nga Franca

Pronarit të “Telegram” Pavel Durov i janë bërë të ditura nga autoritetet franceze akuzat paraprake për aktivitete kriminale në rrjetin e tij dhe i është ndaluar të largohet nga Franca.

I liruar të mërkurën pas 4 ditë marrje në pyetje, Durov është urdhëruar të paguajë 5 milionë dollarë garanci dhe të raportojë në një stacion policie dy herë në javë.

Akuzat mbi biznesmenin e lindur në Rusi, që ka edhe shtetësi franceze, përfshijnë përdorimin e “Telegram” për qarkullim materialesh pornografike me të mitur, bashkëpunim në trafik droge dhe refuzim të bashkëpunimit me hetuesit.

Rusia e kritikoi arrestimin duke e cilësuar si të motivuar politikisht, por presidenti Macron e mohoi një gjë të tillë.

Kritika është konsideruar një akt hipokrizie nga kritikët e Kremlinit, pasi në 2018-n, vetë autoritetet ruse u përpoqën ta bllokonin aplikacionin e “Telegram”, por dështuan dhe e tërhoqën urdhër-ndalimin në 2020-n.

Rrjeti u themelua nga Durov dhe vëllai i tij, pasi ai vetë u ndodh nën presionin e autoriteteve ruse.

LEXONI GJITHASHTU:

• A do mund t’a përdor BE Telegram-in, ja vendimi i Komisionit Europian
• Pse u arrestua në Francë krijuesi i Telegram, ana e errët e aplikacionit