IS merr përgjegjësinë për sulmet në Turqi, arrestohen 119 anëtarë të këtij grupi

Turqia arrestoi këtë javë mbi 100 anëtarë të dyshuar të grupit militant IS-it.

Ky vend është goditur nga disa sulme të mëdha, përfshirë një në një klub nate në vitin 2017, kur janë vrarë dhjetëra njerëz, përgjegjësinë për të cilat e ka marrë Shteti Islamik.

Ministri i Brendshëm turk, Ali Yerlikaya, ka shkruar në platformën sociale X se bastisjet e fundit u bënë në të gjithë Turqinë, përfshirë kryeqytetin Ankara dhe nw Stamboll.

Arrestimi i 119 personave këtë javë pason ndalimin e 99 të të dysharve të tjerë në fillim të gushtit.

Autoritetet turke kanë thënë se që nga qershori i vitit 2023 janë arrestuar më shumë se 3.600 persona për lidhje të dyshuara me grupin xhihadist.

Dy nga sulmuesit që kanë vrarë 145 njerëz në një sallë koncertesh në Moskë në muajin mars, kanë kaluar disa javë në Turqi përpara se të shkonin në Rusi, sipas autoriteteve lokale.

Përgjegjësinë për këtë sulm e ka marrë Shteti Islamik.

LEXONI GJITHASHTU:

• Forcat izraelite vrasin pesë militantë në Bregun Perëndimor
• Sulmi në burgun rus, grupi militant: Hakmarrje për persekutimin e myslimanëve