Motori përplaset me automjetin në Pogradec-Qafë Thanë, plagoset turisti gjerman

Një aksident rrugor u shënua në aksin Pogradec-Qafë Thanë pranë fshatit Udënisht. Një motor që drejtohej nga dy turistë gjermanë ka goditur në pjesën e pasme një mjet me targa shqiptare.

Për pasojë ka mbetur i plagosur drejtuesi i motorit, turist gjerman i cili është transportuar drejt spitalit të Pogradecit, jashtë rrezikut për jetën.

Në vendngjarje mbërriti policia dhe grupi hetimor për zbardhjen e rrethanave. Ky nuk është aksidenti i parë me turistë pasi 2 javë më parë dy turistë anglezë mbetën të plagosur në një aksident po në këtë aks rrugor.

LEXONI GJITHASHTU:

• Aksidenti me vdekje i të moshuarës në Bulqizë, procedohet i biri dhe 2 infermierë
• Rritet numri i aksidenteve në korrik, shkak sjellja e drejtuesve të mjeteve