Iu gjet rreth 8 kg kanabis, arrestohet 66-vjeçari në Shkodër, në kërkim i biri

Një 66-vjeçar në Shkodër ka rënë në prangat e Policisë, pasi ishte shpallur në kërkim 3 ditë më parë pasi ‘Blutë’ i gjetën 8 kg e 256 gramë cannabis në formë boçeje.

Përmes një njoftimi Policia bën të ditur se po vijon punën për kapjen e djalit të tij 17-vjeçar, të dyshuar si të përfshirë në këtë veprimtari kriminale.

Ndërkohë materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Shkodër, për veprime të mëtejshme.

Njoftimi i Policisë:

Shkodër-U shpall në kërkim 3 ditë më parë, në kuadër të megaoperacionit “Territor i pastër”, pasi afër banesës së tij, Policia gjeti 8 kg e 256 gramë cannabis në formë boçeje, kapet dhe vihet në pranga 66-vjeçari.

Në zbatim të planit të masave të hartuar në kuadër të megaoperacionit kombëtar “Territor i pastër”, për goditjen e veprimtarisë kriminale të kultivimit të bimëve narkotike, identifikimin dhe kapjen e autorëve, specialistët e Sektorit për Hetimin e Narkotikëve të DVP Shkodër, bazuar në informacionet e siguruara nga inteligjenca policore, lokalizuan, kapën dhe vunë në pranga shtetasin N. Q., 66 vjeç.

Ky shtetas ishte shpallur në kërkim pasi gjatë kontrollit të territorit të kryer në kuadër të megaoperacionit “Territor i pastër”, në fshatin Kasnec, në oborrin e banesës së këtij shtetasi dhe në afërsi të banesës, u gjetën 8.256 kg lëndë e dyshuar narkotike cannabis sativa në formë boçeje, e cila u sekuestrua në cilësinë e provës materiale.

Vijon puna për kapjen e djalit 17 vjeç të shtetasit N. Q., i dyshuar i pëfshirë në këtë veprimtari kriminale.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Shkodër, për veprime të mëtejshme.

LEXONI GJITHASHTU:

• Kultivuan 561 bimëve narkotike kanabis, arrestohen 3 persona në Malësinë e Madhe
• Po kujdesej për kanabisin e fshehur mes arës me misër, droni “fundos” 67-vjeçarin