Po kujdesej për kanabisin e fshehur mes arës me misër, droni “fundos” 67-vjeçarin

Një 67-vjeçar në fshatin Trush është arrestuar nga policia e Shkodrës pasi u kap në mes të një parcele me misër, duke u kujdesur për bimët narkotike që kishte kultivuar aty.

Parcela u evidentua si rezultat i monitorimit me dron nga forcat e policisë gjatë kontrollit të territorit.

Efektivët asgjësohen nëpërmjet djegies 215 bimë kanabis që ishin kultivuar nga 67 vjeçari.

Vijon puna për identifikimin, kapjen dhe nxjerrjen përpara përgjegjësisë penale, të shtetasve të tjerë të implikuar në këtë veprimtari kriminale.

“Ndërkohë monitorimi ka vijuar dhe në territorin e njësisë administrative Pult. Gjatë monitorimit u konstatuan të kultivuara  dhe u asgjësuan 146 bimë kanabis.

Në vijim të megaoperacionit kombëtar të koduar “Territor i pastër” shërbimet e Komisariatit të Policisë Shkodër, gjatë kontrollit të territorit  me patrulla toksore dhe duke përdorur dronë për monitorim ajror,  në njësinë Administrative Bërdicë, në fshatin Trush, kanë konstatuar se në mës të një parcele me misër ishin kultivuar bimë kanabis.

Shërbimet e Policisë kanë organizuar punën dhe kanë bërë të mundur  kapjen dhe  arrestimin në flagrancë të shtetasit A. L., 67 vjeç, banues në fshatin Trush, i cili po kujdesej për 215 bimë narkotike, të cilat u asgjësuan nëpërmjet djegies.

Gjithashtu gjatë kontrollit të territorin me dron në njësinë administrative Pult u gjetën dhe u asgjësuan 146 bimë kanabis”, njofton policia.