Zjarri në Elbasan, anëtari i këshillit bashkiak: Ndodhen afër dy magazina me bateri

Zjarr i përmasave të frikshme ka përfshirë ish-Kombinatin Metalurgjik të Elbasanit, në vendin ku përpunohet plastika.

Anëtari i këshillit bashkiak të Elbasanit ka folur për Euronews Albania ku tha se ky zjarr ka pasoja të mëdha. I pyetur nëse ka lëndë plasëse brenda në magazinën që digjet, ai tha se vendi ku po zhvillohet zjarri është vendi i përpunimit të plastikës, por rreth e qark janë dy magazina të përpunimit të baterive të cilat mund të plasin.

“Kjo situatë sot dhe disa situate të tjera është për shkak të mungesës së parandalimit në Elbasan. Kjo situatë vjen për shkak të problematikave që janë prej vitesh këtu. Kryetari i bashkisë duhet të kishte marrë masa për parandalimin. Jo vetëm në subjekte që kanë problematik të shtuar, se kjo është problematik e shtuar.

Rreth e qark nesh ne kemi dy magazine që kanë në mënyrë masive bateri makinash. Vetë subjekti që është përfshirë nga zjarri është subjekt që përpunon plastikën. Në këtë rast uji nuk bën më punë, duhet shkumë. Aty brenda është shkaktuar dëm kolosal si ekonomik, si për Elbasanin, mjedisor dhe është një dëm i shtuar për punonjësit e zjarrfikëses së Elbasanit”,-tha anëtari i këshillit bashkiak.

LEXONI GJITHASHTU:

• Zjarri masiv në fabrikën e plastikës në Elbasan, reagon policia: Çfarë dyshohet
• Situatë alarmante në Elbasan! Digjet fabrika e plastikës, punonjësit ikin me vrap