World Press Photo 2024 në Tiranë, ekspozita paraqet foto nga 130 vende të botës

Është çelur në sheshin “Skendërbej”, Ekspozita World Press Photo 2024, që shfaq historitë që kanë rëndësi për fotografinë nga Konkursi i 67-të vjetorit të World Press Photo.

Ekspozita është krijimi i një grupi fotografësh nga vende të ndryshme të botës, të cilët paraqesin jo vetëm pamje të bukura, por kryesisht histori të fuqishme, e madje tronditëse. Kjo e bën të rëndësishme këtë ngjarje artistike, me ngarkesë jo vetëm artistike por edhe informuese.

Tirana është pjesë e turneut mbarëbotëror që po realizon ekspozita vjetore e World Press Photo.

Çdo vit, ekspozita udhëton anembanë globit për të lidhur miliona vizitorë me historitë që kanë rëndësi. Fotografitë e ekspozuara, të perzgjedhura nga më shumë se 61,000 foto, realizuar prej 3.851 fotoreporterësh, të ardhur nga 130 vende, tërheqin vëmendjen në disa nga çështjet më të ndjeshme me të cilat përballet bota sot.

Lidhja e botës me historitë që kanë rëndësi do ekspozohet për publikun shqiptar për të gjitha moshat dhe shijet deri në datën 22 shtator.

Në këtë ekspozitë ishte I pranishëm dhe ambasadori holandez në Shqipëri.

Ëorld Press Photo 2024, vjen në kuadër të javës kulturore holandeze, e cila do të vazhdojë deri më 11 shtator, në një udhëtim të pasur mes traditave dhe inovacionit të një vendi që ka lënë gjurmë të rëndësishme në historinë e artit, muzikës dhe kinemasë.

LEXONI GJITHASHTU:

• La Hungarinë për Shqipërinë, Anna Konya hap ekspozitë në Tiranë
• Rihapet muzeu etnografik i Krujës, digjitalizim dhe ekspozita të reja