EMRI| Ishte larguar nga banesa, Policia shpëton nga mbytja në lumë të moshuarin

Një denoncim i bërë rreth orë më parë në Policinë e Beratit për humbjen e një të moshuari, ka ngritur në këmbë efektivët e Policisë së qytetit.

Grupe të sektorit të qarkullimit rrugor dhe Patrullave të Përgjithshme, kanë kontrolluar të gjithë territorin ku mendohej se 92-vjeçari Qemal Grëmshi ishte parë për herë të fundit dhe e kanë gjetur atë në ujërat e lumit Osum, duke u mbytur.

Menjëherë janë organizuar në grupe efektivët e policisë, të cilët të lidhur me litarë kanë hyrë në lumë dhe pasi kanë pikasur të moshuarin që ishte në mes të rrymës, kanë bërë të mundur nxjerrjen e tij nga lumi.

Operacioni i shpëtimit ka zgjatur rreth 30 minuta dhe pas nxjerrjes nga ujërat e Osumit, policia e ka transportuar të moshuarin drejt Spitalit Rajonal Berat, jashtë rrezikut për jetën.

Fatmirësisht i moshuari është në gjendje të mirë shëndetësore dhe po ekzaminohet në Repartin e Urgjencës në Spitalin Rajonal Berat. Sipas familjarëve, 92-vjeçari Qemal Grëmshi vuan nga skleroza.

Njoftimi i Policisë:

Berat-Rreth orës 19:00, në Policinë e Beratit është paraqitur shtetasi F. G., i cili ka kallëzuar se është larguar nga banesa babai i tij, shtetasi Q. G., 92 vjeç, banues në Berat, i cili vuan nga probleme të shëndetit mendor.

Shërbimet e Policisë, pasi kanë marrë informacionin, janë organizuar dhe kanë nisur menjëherë kërkimet për gjetjen e 92-vjeçarit. Pas 30 minutash, e kanë gjetur të moshuarin në ujërat e lumit Osum.

Shërbimet e Policisë i kanë ardhur menjëherë në ndihmë shtetasit Q. G. dhe kanë bërë të mundur nxjerrjen e tij nga uji. Më pas, ai është transportuar në spital me autoambulancë, për ndihmë mjeksore.

LEXONI GJITHASHTU:

• Shiu i dendur shkakton përmbytje në Kanë të Francës, nuk raportohet për viktima
• VIDEO| Përmbytje masive në Kanë, vërshimet bllokojnë makinat në rrugë