Përfundon aksioni i opozitës në Kuvend, Bardhi: Parlamenti ka rënë, Rama si Putini

Kreu i grupit parlamentar të PD, Gazmend Bardhi, deklaroi pas përfundimit të aksionit opozitar këtë të enjte në Kuvend se parlamenti në Shqipëri tashmë ka rënë.

Bardhi shprehu shqetësimin e tij në lidhje me situatën në parlamnet, ku sipas tij deputetët e opozitës përjashtohen dhe nuk lejohet të kryejnë detyrën e tyre.

Ai shtoi se kryeministri Rama sjell deputetët e PS që të përplasen me kolegët e opozitës dhe vetë nuk vjen ne parlament.

“Kryetarja e Parlamentit hyn si miqësore në Kuvend, por për mua kjo nuk duket normale parlamentare. Ligjet mund të mblidhen dhe të miratohen edhe në vilën e Ramës në Surrel. Problemi është se sot ka rënë parlamenti. Ne sot kemi një regjim ku deputetët e opozitës nuk lejohen të ushtrojnë funksionin e tyre brenda sallës me forca sigurie. Nuk bën asgjë më shumë apo më pak Putini se sa kjo që po bën Edi Rama. Ai sjell deputetët e tij si dele që të përplasen me opozitën, ndërsa ai vetë fshihet në Surrel. Kjo është tipike për politikanët që fshihen pas grave, pas deputetëve, dhe pas njerëzve që i keqpërdorin, ndërkohë që vetë qëndron dhe shijon luksin e parave të vjedhura të shqiptarëve në Surrel,” tha Bardhi.

LEXONI GJITHASHTU:

• Tym e flakë në Kuvend, PD djeg manekinët me fotot e Ramës, Xhafajt dhe vëllezërve
• “Niko, mos bëj të fortin” – Përplasje fizike mes deputetëve të PD dhe PS në Kuvend
• “E provojmë me forcë nëse do”- Tension në Kuvend, Noka përplaset me Sterkajn