Replikat Rama-Basha, kryeministri: Bashkëpunojmë me kusht. Kreu i PD-së: Koha jote ka mbaruar

Pas deklaratës së Edi Ramës se pas zgjedhjeve është gati të bashkëpunojë me Lulzim Bashën nëse ndahet sipas tij nga Sali Berisha dhe Ilir Meta, ka reaguar edhe kryetari i PD-së.

Përmes një reagimi në rrjetet sociale Basha shkruan se koha e Edi Rama ka mbaruar.

“Në 25 prill shqiptarët do votojnë numrin 9 për ta larguar Ramën dhe ai nuk do jetë kurrë pjesë e qeverisjes sonë. Koha e tij ka mbaruar. Ne do të sjellim ndryshimin dhe Shqipëria do fitojë”, shkruan kreu i PD-së, Basha.

Në 25 prill shqiptarët do votojnë numrin 9 për ta larguar Ramën dhe ai nuk do jetë kurrë pjesë e qeverisjes sonë. Koha e tij ka mbaruar. Ne do të sjellim ndryshimin dhe Shqipëria do fitojë.

— Lulzim Basha (@lulzimbasha_al) April 14, 2021

Pas reagimit të kryedemokratit ka reaguar sërish nëpërmjet një postimi në Twitter kreu i qeverisë, i cili ka theksuar shqiptarët duan bashkim.

“Po pse vallë janë më të rëndësishëm për ty Saliu dhe Iliri se sa Shqipëria Lulëzim?! Shqiptarët duan bashkim, duan që ne të gjithë të punojmë për ta dhe ekonominë e tyre përtej pandemisë, duke e lënë pas politikën e vjetër të sherrit, dasisë, konfliktit deri në absurd! Pse ti jo?”, shkruan Rama në rrjetet sociale kur kane mbetur dhe 10 ditë nga zgjedhjet e përgjithshme parlamentare.

Po pse vallë janë më të rëndësishëm për ty Saliu dhe Iliri se sa Shqipëria Lulëzim?! Shqiptarët duan bashkim, duan që ne të gjithë të punojmë për ta dhe ekonominë e tyre përtej pandemisë, duke e lënë pas politikën e vjetër të sherrit, dasisë, konfliktit deri në absurd! Pse ti jo?

— Edi Rama (@ediramaal) April 14, 2021

Ndërkohë mëngjesine sotëm gjatë një takimi me të rinjtë në Kamëz, kryeministri përsëriti ftesen, por nga ana tjetër lëshoi akuza ndaj liderit demokrat.