Defektet e zemrës| Studimi: Bebet e lindura përmes fertilizimit me risk më të lartë

Bebet e lindura përmes fertilizimitin invitro (IVF), mund të kenë një rrezik më të lartë për të zhvilluar defekte të zemrës në krahasim me ato të konceptuara në mënyrë natyrale.

Në këtë përfundim ka dalë një studimi i publikuar në “European Heart Journal”, ku thotë se foshnjat e konceptuara përmes teknologjisë së riprodhimit të asistuar, përfshirë IVF dhe procedura të tjera mund të kenë një rrezik 36% më të lartë për defekte të zemrës.

Ky studim përfshiu analizimin e të dhënave nga mbi 7.7 milionë lindje të gjalla në katër vende nordike Danimarkë, Finlandë, Norvegji dhe Suedi, gjatë një periudhe 30-vjeçare.

Studiuesit krahasuan bebet e lindura përmes teknologjisë së riprodhimit të asistuar me ato të konceptuara natyrshëm dhe zbuluan se foshnjat e lindura përmes riprodhimit të asistuar kishin një rrezik prej 1.84% për defekte të zemrës, krahasuar me 1.15% te foshnjat e lindura natyrshëm.

Përveç kësaj, rreziku ishte më i lartë kur bëhej fjalë për lindje të shumëfishta, me një rrezik prej 2.47%.

Ky studim nënvizon rëndësinë e vëmendjes së shtuar për foshnjat e lindura përmes trajtimeve të fertilitetit, duke theksuar nevojën për kontrolle të hershme për defekte të mundshme të zemrës.

Ndërhyrjet e hershme mund të ndihmojnë në përmirësimin e rezultateve shëndetësore për këta fëmijë.

LEXONI GJITHASHTU:

• “Ndryshimet e motit kanë shtuar virozat”, mjekia: Preken veçanërisht fëmijët
• Rriten nevojat për gjak, mjekët hasin vështirësi për grupet e rralla