Morën peng 53-vjeçarin dhe e kërcënuan për t’i marrë paratë, arrestohen 2 persona

Policia e Gjirokastrës ka arrestuar dy persona të cilët morën peng një 53-vjeçar dhe e kanosën për t’i marrë një shumë parash.

Shërbimet e Komisariatit të Policisë Gjirokastër, pas njoftimit se 2 shtetas i kishin hequr lirinë, një 53-vjeçari, duke e mbajtur kundër vullnetit të tij si dhe e kishin kanosur me qëllim dhënien e një shume parash, kanë organizuar menjëherë punën për kapjen dhe vënien e autorëve të dyshuar përpara përgjegjësisë ligjore.

Si rezultat i veprimeve të shpejta të specialistëve për Hetimin e Krimeve të Komisariatit të Policisë Gjirokastër, janë identifikuar, kapur dhe arrestuar autorët e dyshuar, shtetasit L. Ç., 45 vjeçe, banuese në Gjirokastër dhe E. T., 38 vjeç, banues në Krahës, Memaliaj për veprat penale “Heqja e paligjshme e lirisë”, “Shtrëngimi me anë të kanosjes ose dhunës për dhënie pasurie”, kryer në bashkëpunim.

Nga veprimet hetimore dyshohet se këta 2 shtetas, për motive të dobëta, kanë mbajtur në banesën e marrë me qira nga 45-vjeçarja, shtetasin P. S., 53 vjeç, duke i hequr lirinë atij, si dhe e kanë kanosur për dhënie pasurie.

LEXONI GJITHASHTU:

• I gjenden 2,4 kilogram kanabis në banesë, arrestohet 48-vjeçari në Gjirokastër
• Gjirokastër|Të moshuarit ankohen për çmimet e larta: Nuk blihet gjë me këto pensione