Zgjedhjet presidenciale në SHBA| Beyonce do të performojë në tubimin e Harris

Këngëtarja e njohur Beyoncé do të bëjë një paraqitje të veçantë nesër në Hjuston, së bashku me kandidaten demokrate për presidente të SHBA-së, Kamala Harris.

Ky event është pjesë e fushatës elektorale të Harris në Teksas, një shtet tradicionalisht republikan.

Harris do të jetë në Teksas për të mbështetur senatorin demokrat Colin Allred, i cili aktualisht renditet pas republikanit Ted Cruz në sondazhe.

Gjatë kësaj vizite, ajo do të diskutojë gjithashtu çështjen e aborteve, një temë e rëndësishme në këtë fushatë.

Ky lajm u raportua fillimisht nga gazeta Washington Post dhe vjen në një moment kritik, me vetëm dy javë nga zgjedhjet presidenciale të 5 nëntorit.

Harris dhe ish-Presidenti Donald Trump kanë fokusuar fushatat e tyre në shtatë shtetet vendimtare që do të përcaktojnë rezultatin e zgjedhjeve.

Sipas të dhënave, më shumë se 14 milionë amerikanë kanë votuar tashmë përmes votimit të hershëm, ndërsa qendrat e votimit janë hapur në të gjithë vendin.

Anketimet tregojnë se garën e këtij viti e karakterizon një diferencë shumë e ngushtë, me një epërsi të lehtë për Harris.

Kandidatët për president janë përqendruar në shtetet si Viskonsin, Miçigan, Pensilvani, Karolina e Veriut, Xhorxhia, Arizona dhe Nevada, ku rezultati është i paqartë. Ndërkohë, Harris festoi së fundmi 60-vjetorin e saj me një fjalim në Xhorxhi, duke folur për rëndësinë e votës.

LEXONI GJITHASHTU:

• “Trump, një fashist”, ish-presidenti replikon me Harris: Ke mendje të deformuar
• John Kelly: Trump donte gjeneralë si të Hitlerit, plotëson përkufizimin e fashistit