Çfarë do të bëjë SPAK në vijim? Paralajmërimi i avokatit Ngjela: Do shikoni…

Avokati Spartak Ngjela ishte këtë të shtunë i ftuar në Euronews Albania ku ka folur lidhur me arrestimin e ish-presidentit Ilir Meta. Përballë gazetares Greta Topjana, Ngjela tha se prej dy vitesh filluar kundër korrupsionit, e cila sipas tij do të vijojë.

Avokati tha se Meta është arrestuar pas hetimeve të SPAK, institucion i krijuar nga ndërkombëtarët e sipas tij hetimet janë ende sekret.

“I ka arrestuar pushteti gjyqësor, nuk i ka arrestuar politika. Pushteti gjyqësor dhe hetimi është shkencë dhe është sekret. Ne nuk dimë gjë fare se cilat janë provat. I ka arrestuar, tani të presim kur të dalin gjërat në Gjykatë. Hetimi është sekret”,-tha Ngjela.

I pyetur nëse gjithë këto ngjarje mund të sjellin në të ardhmen edhe shpërbërjen e SPAK, Ngjela tha:

“Është pamundësi absolute. Pse do shpërbehet ai ka dalë me koncept kushtetues. Ai ka dalë në parlament me 140 vota. Kush do e shkarkojë? Parlamenti? Ajo që do bëjë SPAK, do e shikoni, është shpëtimi iu Shqipërisë nga gjithë të korruptuarit e mëdhenj të politikës shqiptare. Këtë do e shikoni hap pas hapi”,-tha avokati Ngjela.

LEXONI GJITHASHTU:

• “Meta kërcënoi prokurorin në sallë”, avokati: Asnjë i pandehur që njoh s’e ka bërë
• Ish-presidenti Meta mbërrin në GJKKO, do njihet me masën e sigurisë