Kthimi i mbetjeve, CEO i Bazel: Prodhim i industrisë së çelikut, njësoj si nga Kurum

Drejtori Ekzekutiv i Rrjetit Bazel, Jim Puckett, ishte i ftuar në emisionin “Barometri” në Euronews Albania, ku komentoi situatën lidhur me kthimin në portin e Durrësit të kontenierëve me mbetje të rrezikshme.

Puckett sqaroi se janë rreth 202 kontenierë, të cilët sipas tij do duhet që të mos jenë hapur gjatë rrugës.

Ai u shpreh se këto mbetje në përbërjen e tyre janë  një material i mbledhur nga prodhime të industrisë së çelikut, pluhur çeliku, të cilat priten të testohen me mbërritjen e tyre në vendin tonë.

“Kjo ngarkesë duhet të ketë 202 kontenierë me vete dhe shpresojmë të mos jenë hapur. Ne kemi kërkuar transparencë të plotë, që të heqim dyshimet e mundshme, që edhte të kuptojmë se çfarë materiali është. Mendojmë se është një material i mbledhur nga prodhime të industrisë së çelikut, pluhur çeliku, njihet si material i rrezikshëm. Njësoj nga fabrika në Kurum. Ne duhet të jemi të sigurt dhe ka shumë dyshime edhe në qeveri. Mbetjet e ngarkuara në korrik janë mbetje që testohen, që ne të provojmë nëse janë të rrezikshme ose jo. Gjatë javëve të fundit ne kemi pasur mundësinë që të vizitojmë ambientet që do të prisnin këtë material dhe aty gjetëm rezultate shokuese. Ne nuk testuam mbetjet sepse nuk u dorëzuan, por shumë ngarkesa të tilla kanë mbërritur në Tajlandë. Morëm disa material të këtij perimetri dhe gjetëm përmbajtje të larta të arsenikut dhe plumbit”, tha Puckett.

LEXONI GJITHASHTU:

• Kthimi i mbetjeve të rrezikshme, ish-deputeti: Nuk kemi ende deklaratë doganore
• Mbetjet toksike apo të rrezikshme, Gupi: Kanë dallim, duhet analizuar ngarkesa