Në seancë vetëm deputetët e papërjashtuar të PD, bllokojnë foltoren me pankarta

Grupi parlamentar i PD vendosi, pas mbledhjes së mbajtur pasditen e së hënës që në seancën plenare do shkonin vetëm deputetët që janë të papërjashtuar dhe ndaj të cilëve nuk janë marrë masa.

Seanca e së hënës zgjati vetëm disa minuta, ndërsa deputetët e opozitës bllokuan foltore duke mbajtur në duar disa pankarta që shkruanin “Free Berisha”.

në një deklaratë për mediat jashtë sallës së parlamentit pas përfundimit të seancës deputetit Oerd Bylykbashi ngriti shqetësimin e kontejnerëve me lëndë toksike të bllokuar në portin e Durrësit

“Në portin e Durrësit mbërritën 102 kontejnerë me mbetje toksike, të ikura nga porti i Durrësit me lejen e qeverisë dhe gjithë institucioneve. Sot përpara drejtësisë duhet të jetë zinxhiri i drejtuesve deri lart në qeveri që ka lejuar të ndodhë, ku ndërkohë ato fillojnë e kërkojnë seanca normale. Nuk mund të ketë në një vend normalitet kur zgjedhjet janë vetëm një element farsë për të vulosur marrjen e pushtetit, ku krimi i organizuar është kokë e këmbë në marrëveshje me qeverinë, me Ramën e me ministra. Në portin e Durrësit është vatra e krimit të organizuar me licencë të vulosur nga kryeministri Rama dhe personat që e përfaqësojnë atë”, tha Bylykbashi.