Mbi 50 vite rrobaqepës në Fier, pensionisti: Nuk iki kurrë nga Shqipëria

Artur Late, pensionisti rrobaqepës në Fier, ishte i ftuar në lidhje të drejtpërdrejt ditën e sotme në emision “People” për të folur për qëndisjen e flamurit gjigant kuq e zi 800 metër katror për të cilin është bërë i njohur në rrjetet sociale.

Ai tha se e ka nisur qëndisjen e flamurit me 500 metër duke e çuar më pas në 800 metra katror. Për të nuk ishte e vështirë gjetja e metrazhit të copës por bashkimi i saj për ta sjellë kuadrin e plotë në realizimin e shqiponjës në dimensionet proporcionale të flamurit.

“Jam rrobaqepës për 53 vite, e kam filluar punën në vitin ’72. Si fillim kam qenë përgjegjës në rrobaqepësinë speciale në Fier, kam përfaqësuar rrobaqepësinë e cila ka mbijetuar deri më sot me një kolektiv të mrekullueshëm, që shumë prej tyre arritën të dilnin prej këtu në pension. As nuk e kam menduar ndonjëherë që të largohem nga Shqipëria, këtu kam pasur të gjitha mundësitë, kam pasur një profesion të mrekullueshëm të cilën e kam dashur shumë. Këtë punë e bëj çdo ditë me shumë përkushtim dhe me mbështetjen e klientëve të mi që janë të dhënë pas rrobaqepësive. Ata më mbajnë të gjallë”, tha Late.

LEXONI GJITHASHTU:

• Djali tentoi të djegë prindërit në Fier! Ja çfarë thonë fqinjët për 42-vjeçarin…
• Në kërkim për shfrytëzim prostitucioni, arrestohet 45-vjeçarja në Fier