Shpallet fituesi i edicionit të 68-të për “Topin e Artë”

Rodri ka arritur suksese të mëdha, duke fituar Kampionatin Evropian me Spanjën dhe Premier League me Manchester Cityn.

Ai u shfaq si një nga lojtarët kryesorë gjatë edicionit të kaluar, duke lënë pas Vinicius Juniorin të Real Madridit dhe Jude Bellinghamin.

Ceremonia e këtij viti shënoi një bashkëpunim të ri midis “France Football” dhe UEFA-s, duke e bërë këtë ngjarje edhe më prestigjioze.

Edhe pse ishte pritur që Vinicius Junior të fitonte, votat e gazetarëve nga 100 vende të ndryshme e shpallën Rodrin fitues. Ndërkohë, asnjë përfaqësues i Real Madridit nuk ishte prezent, duke shprehur kështu revoltën për rezultatet.

Ndër çmimet e tjera, Aitana Bonmati fitoi Topin e Artë për femra, Carlo Ancelotti u shpall trajneri më i mirë, dhe Emiliano Martinez mori trofeun “Yashin” si portieri më i mirë për herë të dytë. Ceremonia, që u zhvillua në një atmosferë të ngrohtë, shënon një kapitull të ri në historinë e futbollit ndërkombëtar, duke theksuar erën e Rodrit dhe sukseset e tij.

LEXONI GJITHASHTU:

• Jepet sot “Topi i Artë”, cili futbollist shihet si favorit
• ​Mediat spanjolle zbulojnë fituesin e Topit të Artë