Çfarë deklaroi Trump pas fitores? Osmani: Rusia po pret pazarin prej SHBA-së

Eksperti i marrëdhënieve ndërkombëtare Kreshnik Osmani tha për “Barometrin” në Euronews Albania se pas fitores së Donald Trump, Rusia është në pritje të “pazarit”.

Sipas ekspertit Trump ka deklaruar se do i jap menjëherë zgjidhje luftës në Rusi, madje ai ka deklaruar se paqja do vendoset pa arritur ai akoma në Shtëpinë e Bardhë.

“Ai e ka tashmë autostradën të hhapur. Rusia duket qartë që po pret pazarin prej Trump dhe Amerikës. Ata kanë nxjerrë Peskovin që të kërkojë pazarin. Cili është pazari i Trump për Rusinë, për Ukrainën. Trump menjëherë pas shpalljes së fitores, tha se “para se unë të shkoj në shtëpinë e Bardhë, hija e fitores sime do të vendos paqen.

Më pas do ketë diçka më të thjeshtuar”, kjo do të thotë se Donald Trump po luan me psikologjinë e botës e cila po e lexon me shumë kujdes ardhjen e tij. Ne kemi një deklaratë nga Teherani që e shikon Trumpin njësoj si Biden dhe shprehet se nuk ka asnjë ndryshim. Europa po bëhet gati nëse Trump do vijojë me presionin e tij për NATO-n”,-tha eksperti.

LEXONI GJITHASHTU:

• SHBA-ja sanksionon një individ dhe një kompani të lidhur me familjen e Dodikut
• Joe Biden i uron fitoren Donald Trump, e fton për takim në Shtëpinë e Bardhë