“Kemi ardhur t’ju çjerrim maskën”, Noka në Kuvend: Nuk kemi ndërmend të ulemi me ju

Seanca e së enjtes në Kuvendin e Shqipërisë ka nisur me tensione mes deputetëve të opozitës dhe atyre të mazhorancës.

Kreu i grupit parlamentar të Partisë Demokratike Gazment Bardhi solli në vëmendje vendimin e një dite më parë të Gjykatës Administrative që e cilësoi të paligjshëm përjashtimin e deputetëve të opozitës duke i kërkuar kryetares Elisa Spiropali.

Deputeti i PD, Flamur Noka përdori një gjuhë të ashpër në drejtim të kryetares së Kuvendit dhe mazhorancën të cilën e cilësoi si krimi i organizuar. Noka se qëllimi i pranisë së opozitës në Kuvend nuk është që të ulet në bisedime me opozitën por që tu tregojnë njerëzve të vërtetën e grabitjes së buxhetit.

“Nuk kemi ardhur të ulemi në bisedime me ju, me krimin e organizuar, kemi ardhur të përfaqësojmë vullnetin e popullit opozitar, kemi ardhur për t’ju çjerrë maskën, mosbindja civile do vazhdojë. Por ne do iu flasim shqiptarëve për buxhetin, buxheti nuk është i juaji se e keni trajtuar si pronë. Gjithçka është mllef ndaj opozitës. Ne jemi këtu për betejë. Mosbindja civile do vazhdojë derisa t’ju krrejë. E di si na dukeni ju, na dukeni si miza asnjëri prej jush nuk na hyn në sy”, tha Noka.

LEXONI GJITHASHTU:

• “Dorëhiqu”, Bardhi-Spiropalit: Pengove 1 muaj opozitën të bëjë detyrën
• Gjykata rrëzoi Kuvendin për opozitën, Peleshi: Vendim i gabuar, u fut ku s’i takon