Dhunoi bashkëshorten dhe ngacmoi seksualisht vajzën e saj të mitur, arrestohet

Policia e Lushnjës arrestoi të enjten një 39-vjeçar të akuzuar për dhunë në familje dhe për ngacmim seksual të vajzës 11-vjeçare të bashkëshortes së tij.

Mësohet se denoncimi është bërë nga bashkëshortja e të dyshuarit  e cila ka ngritur dy kallëzime ndaj tij, për dhunë dhe abuzim seksual.

“Specialistët për Hetimin e Krimeve të Komisariatit të Policisë Lushnjë ndaluan shtetasin A. R., 39 vjeç, banues në fshatin Krutje e Poshtme, pasi dyshohet se ka ushtruar dhunë ndaj bashkëshortes së tij, si dhe ka keqtrajtuar dhe ngacmuar seksualisht vajzën e saj 11 vjeçe”, bëri me dije policia.