Nis sezoni i gripit, Tomini: Ka shenja tipike, kollë, temperaturë, dhimbje trupore

Gripi, Covid dhe infeksionet respiratore janë në bashkëqarkullim aktualisht në vendin tonë. Rreth 11 mijë e 500 persona kanë kërkuar ndihmën e mjekut të familjes gjatë një jave, si pasojë e prekjes nga infeksione të ndryshme repiratore.

Drejtoresha e ISHP, Eugena Tomini gjatë një intervistë për Euronews Albania, bën me dije, se situata është normale për stinën.

Në vendin tonë aktualisht është izoluar grip i tipit A, me simptoma tipike të tij.

Ajo çfarë ekspertët kërkojnë është kontakti me mjekun e familjes për çdo rast të sëmurë dhe mos përdorimi i antibiotikëve pa rekomandim.

Vaksinimi sipas Tominit, është hapi i parë mbrojtës për të shmangur format e rënda dhe fatalitetet, deri më tani 54% e dozave të vaksinës së siguruar falas është injektuar në popullatat në risk.

LEXONI GJITHASHTU:

• Vatër e gripit të shpendëve në Mëzez, Ministria e Bujqësisë e karantinon
• Alarmi nga gripi i shpendëve, Bino: Deri tani nuk kemi raste tek njerëzit