Roli i medias në zgjedhje, ambasadori i OSBE: Vota e diasporës rrit peshën për to
Sipas një ankete të bërë nga OSBE, Shqipëria rezulton si vendi që në Ballkanin Perëndimor lajmet politike kanë impaktin më të lartë. Po ashtu rezulton se në Shqipëri televizonet mbeten mediat me impaktin më të lartë gjatë fushatave zgjedhore, krahasuar me vendet e tjera të Ballkanit.
Ambasadori i OSBE, Michel Tarran theksoi se vota e diasporës nuk do të jetë vetëm një sfidë për partitë politike, por edhe mediat, për shkak të shkallës së gjerë të informacionit që do duhet të përçohet.
“Një zhvillim i dukshëm, përpara zgjedhjeve të ardhshme, është futja në përdorim i votimit nga jashtë, që u mundëson të drejtën e votës për herë të parë qytetarëve shqiptarë që jetojnë jashtë. Ky elektorat i zgjeruar paraqet sfida të reja, veçanërisht në shpërndarjen e informacionit të saktë dhe të plotë zgjedhor për votuesit nga jashtë. Mbulimi i drejtë, i pavarur dhe i plotë për këtë publik të zgjeruar nga media mbetet thelbësor”,-tha Mishel Tarran, ambasador i OSBE në Shqipëri.
Ndërkaq, komisioneri shtetëror i zgjedhjeve, Ilirjan Celibashi vuri theksin të roli vëzhgues që ka media në proceset zgjedhore.
“Media ka një rol të dyfishtë, nga njëra anë është në rolin e saj klasik atë të informimit të mbikëqyrjes së zhvillimit të procesit, por nga ana tjetër ka si rol të saj po kaq edhe kryesor edhe informimin dhe edukimin e votuesve dhe nxitjen e tyre për të qenë pjesëmarrës në procesin zgjedhor apo në përgjithësi në proceset politike”.
Deklaratat u bën gjatë një tryezë të organizuar nga OSBE dhe KQZ për zgjedhjet e ardhshme të përgjithshme në pranverën e 2025, dhe roli i mediave në to.
LEXONI GJITHASHTU:
Policia del me njoftim zyrtar: Si u vra efektivi dhe u plagos kolegu i tij, detajet nga operacioni
Vrasja e policit në Korçë, kush është autori dhe si hapi zjarr ndaj efektivëve pasi i pikasi
Rama publikon pamje me mbeturina nga Zvërneci: Kjo është parajsa që duan të mbetet e paprekur
- 09:11 SpaceX drejt ofertës publike fillestare më të madhe në histori, prej 75 miliardë dollarësh
- 09:08 Policia del me njoftim zyrtar: Si u vra efektivi dhe u plagos kolegu i tij, detajet nga operacioni
- 08:50 Një mbeti i vrarë dhe tjetri u plagos, zbardhen emrat e efektivëve që u qëlluan me armë në Maliq
- 08:43 Dhoma e Përfaqësuesve miraton masën për t’i dhënë fund luftës në Iran
- 08:40 Partia Demokratike në pushtet fiton zgjedhjet lokale në Korenë e Jugut
- 08:35 Vrasja e policit në Korçë, kush është autori dhe si hapi zjarr ndaj efektivëve pasi i pikasi