U kërkonte para qytetarëve duke i kërcënuar në rrugë, arrestohet 43-vjeçarja

Kërcënonte me thikë qytetarët në rrugë dhe tentonte t’u grabiste para, Policia e Gjirokastrës arreston një 43-vjeçare, e cila dyshohet se vuan nga probleme të shëndetit mendor. Policia u sinjalizua pas publikimit të pamjeve në rrjete sociale ku shihej 43-vjeçarja duke kërcënuar me thikë në dorë qytetarët në rrugë pranë stacionit të autobusëve në Lazarat, ku dhe ka dëmtuar lehtë me mjet prerës një grua të moshuar, 67-vjeçare.

Njoftimi i policisë

Në lidhje me një video të publikuar paraditen e sotme në rrjete sociale në të cilën shfaqet një shtetase që kërcënon me thikë qytetarët dhe iu kërkon para, ju informojmë se:

Shërbimet e Drejtorisë Vendore të Policisë Gjirokastër, menjëherë pas marrjes së njoftimit për rastin, shoqëruan në ambientet e Policisë, shtetasen Z. V., 43 vjeçe, e cila dyshohet se vuan nga probleme të shëndetit mendor.

Në vijim të veprimeve procedurale u bë arrestimi i 43-vjeçares, për veprën penale “Vjedhja me dhunë”, mbetur në tentativë. Ditën e sotme, në stacionin e autobusëve në fshatin Lazarat, ka dëmtuar lehtë me mjet prerës, një 67-vjeçare, që ajo t’i jepte para.

Drejtoria Vendore e Policisë Gjirokastër falënderon dhe fton mediat e qytetarët që të denoncojnë rastet e paligjshmërive në çdo formë të shfaqjes së tyre, në numrin 112, duke iu garantuar reagim të menjëhershëm.

LEXONI GJITHASHTU:

• Trafik droge dhe klandestinësh drejt Greqisë, goditet grupi kriminal në Gjirokastër
• EMRAT| Atentati me 4 të vrarë në Dobraç, arrestohen 4 policë