Ishin të parkuara në oborrin e banesës, digjen një automjet dhe një motor në Vlorë

Një zjarr ka rënë rreth orës 02:00 të mëngjesit të kësaj të marte në fshatin Kaninë, në oborrin e banesës së shtetasit Xh. K. Sipas informacioneve paraprake nga zjarri janë djegur një automjet tip “Opel” dhe një motomjet, të cilat ishin të parkuara në oborrin e banesës.

Grupi hetimor ndodhet në vendngjarje dhe po punon për përcaktimin e shkakut të rënies së zjarrit, si dhe për dokumentimin e rrethanave të rastit. Hetimet janë në vazhdim për të sqaruar nëse bëhet fjalë për një zjarr aksidental apo një akt të qëllimshëm.

“Rreth orës 02:00, në fshatin Kaninë, në oborrin e banesës së shtetasit Xh. K., ka rënë zjarr dhe janë djegur një automjet tip “Opel” dhe një motomjet, të dyja në pronësi të tij. Grupi hetimor po punon për përcaktimin e shkakut të rënies së zjarrit dhe dokumentimin e rrethanave të rastit”, thuhet në njoftimin e policisë.

LEXONI GJITHASHTU:

• Digjen dy automjete në pronësi të një shtetasi në Shkodër, detajet e para
• Vodhi 2 automjete me anë të mashtrimit, arrestohet 26-vjeçari në Elbasan