28 Nëntori| Kisha Orthodhokse kryen Dhoksologjinë e Flamurit

112-vjetori i Pavarësisë së Shqipërisë u përkujtua nga Kisha Orthodhokse Autoqefale e Shqipërisë, e cila organizoi Dhoksologjinë e Flamurit në të gjitha kishat orthodhokse të vendit. Dhoksologjia është një pjesë e Liturgjisë së Shenjtë që ka përmbajtje lavdëruese, e cila shpreh falënderim dhe nderim për flamurin dhe shtetin shqiptar.

Në Vlorë, kryeqendra e festimeve, ceremonia e bekimit të flamurit u drejtuar nga Imzot Asti, Mitropoliti i ri i Beratit, Vlorës dhe Kaninës, i shoqëruar nga klerikët e qytetit dhe besimtarët.

Në Tiranë, ceremonia u zhvillua në Kishën e “Ungjillëzimit të Hyjëlindëses Mari”, në rrugën e Kavajës, ndërsa në Korçë, Dhoksologjia e Flamurit u drejtua nga Imzot Joani, me pjesëmarrjen e klerikëve, besimtarëve dhe figurave politike. Po ashtu, në Durrës, një ceremoni e ngjashme u mbajt në Akademinë Teologjike “Ngjallja e Krishtit” në Shën Vlash, ku u drejtua nga Atë Emanuel Lapanxa.

Pjesë nga Dhoksologjia e Flamurit e mbajtur në Kishat Orthodhokse të Shqipërisë:

“O Zot, që bekon dhe shenjtëron, ti bekoje flamurin tonë, dhe shpëtoje shtetin tonë dhe popullin tonë nga çdo rrezik dhe shtrëngesë dhe drejtoje në udhën e dritës, të lirisë dhe të përparimit nën hijen tënde dhe vlerësona ne të pavyerit të kremtojmë këtë ditë të lavdëruar, me nder, shëndet edhe ditë të gjata këtu dhe kudo. Se ti je Perëndi mëshirues dhe njeridashës, dhe ty ta dërgojmë lavdinë, Atit edhe Birit edhe Shpirtit të Shenjtë, tani dhe përherë, dhe në jetët e jetëve.”

LEXONI GJITHASHTU:

• Politika uron Ditën e Pavarësisë: Rama shpërndan videon, Meta mesazh nga burgu
• Rama dhe Kurti bashkë në Vlorë, mbahet ceremonia shtetërore për Ditën e Pavarësisë