Reshje shiu dhe bore nga e mërkura – Parashikimi i motit për javën

Java ka nisur me temperatura të ulëta, që shkojnë -2 dhe -3 gradë celsius në zonat e ulëta, por duke nisur nga e marta do ketë rritje graduale të temperaturave, me vlerat minimale në zonat malore në 1 gradë celsius.

Meteorologu i Meteolab Hakil Osmani tha në Euronews Albania se nga e enjtja e në vijim do ketë sërish ulje të temperaturave deri -2 -3 në zonat malore ndërsa maksimumet në Ultësirën Perëndimore deri  më 15 gradë celsius.

Sot dhe nesër moti do jetë i qëndrueshëm, vranësirat do të shtohen të mërkurën duke sjellë reshje, në fillim në zonat veriore më pas në gjithë territorin dhe reshje bore në gjithë zonën lindore.

E enjtja dhe e premtja do karakterizohen nga vranësira dhe mundësi për reshjeve të shiut dhe borë në zonat malore.

LEXONI GJITHASHTU:

• Moti i keq, rënie gurësh në rrugë dhe ndërprerje energjie në Elbasan
• Moti i keq në vend, policia apel shoferëve: Respektoni rregullat e qarkullimit