Vrasja e 14-vjeçarit, Rama: U shpik autor tjetër, gjithçka është e regjistruar

Kryeministri Edi Rama komentoi vrasjen e 14-vjeçarit Martin Cani dhe deklaratat e shokut të tij të ngushtë, Luis Meçja i cili mbeti i plagosur gjatë sherrit se ka pasur dy autorë të krimit.

Rama tha se ngjarja e rëndë u keqpërdor nga mediat ndërsa i konsideroi deklarata se ka një autor të dytë si “shpikje”.

“Dy vrasje që kanë ndodhur ajo e Pogradecit dhe kjo e 14-vjeçarit, janë përdorur në mënyrën më abuzive dhe më të pabesë ndaj opinionit publik, duke sajuar historira, duke vënë në pikëpyetje korrektesën e policisë në raportim, duke shpikur një autori tjetër, një thikë tjetër. Fatmirësisht kjo vrasje është e regjistruar në video. Jo vetëm që është hetuar me detaje, por është në video se si ka ndodhur.

Nuk ka autor tjetër dhe nuk ka ndodhur siç mund të thotë imagjinata kur vetvetiu vendoset në krahun e viktimës. Një përleshje nga ku për fatin më të keq, është shkaktuar një vdekje e një fëmije.

LEXONI GJITHASHTU:

• Projekti në rrugën Shirokë-Zogaj, Rama: Po punohet me ritme të shpejta
• “Fëmijët kanë shok Tik Tok”, Rama: Mbyllja është ndihmë, por jo zgjidhje