Projekti në rrugën Shirokë-Zogaj, Rama: Po punohet me ritme të shpejta

Kryeministri Edi Rama ka ndarë në rrjetin e tij social facebook, pamje nga kantieri i punës në segmentin rrugor Shirokë-Zogaj, ku po punohet intensivisht për përfundimin e këtij projekti.

Rama shpjegon se aktualisht është hapur traseja e rrugës nga pika kufitare deri në fshatin Zogaj, duke i dhënë projektit një hov të rëndësishëm.

Pjesa e fundit e rrugës që lidh Zogajn me pikën e re kufitare me Malin e Zi, ka bërë që të shndërrohet në një rrugë të re, por jo vetëm, pajisja me trotuar dhe korsi të biçikletave do të përmirësojë infrastrukturën dhe gjithashtu aksesin për banorët dhe turistët

“Në kantierin e punës në rrugën Shirokë – Zogaj, po punohet me ritme të shpejta, ku aktualisht është hapur traseja e rrugës nga pika kufitare deri në Zogaj

Pjesa e fundit e rrugës Shirokë-Zogaj-pikë e re kufitare me Malin e Zi kalon mbi fshatin Zogaj, por hapet praktikisht si rrugë e re mbi një shteg ekzistues, ndërkohë që i gjithë segmenti nga Shiroka në vazhdim do të ketë edhe trotuar dhe korsi biçikletash”, shkruan Kryeministri Rama.

LEXONI GJITHASHTU: 

• Rama thirrje të rinjve: Forcat e Armatosura hapin dyert, çfarë përfitojnë aplikantët
• Mbyllja e TikTok dhe Snapchat, Rama: Fëmijë e mësues në presion nga rrjetet sociale