Dita Kombëtare e Rinisë, Ambasada e SHBA: Studentët formësuan të ardhmen!

Këtë të djelë festohet 8 dhjetori, “Dita Kombëtare e Rinisë” në nder të lëvizjes studentore të 8 dhjetorit 1990 që shënoi fillimin e vendosjes së pluralizmit pas diktaturës komuniste.

34 vite më parë studentët dhe të rinjtë shqiptarë u ngritën kundër një prej regjimeve më të ashpra komuniste të Europës, kujton Ambasada e SHBA në Tiranë duke nënvizuar se rinia e sotme vazhdon të formësojë të ardhmen e Shqipërisë dhe Shtetet e Bashkuara do të qëndrojnë në krah ndërsa ecin përpara në rrugën drejt anëtarësimit në Bashkimin Europian.

“Sot, Shqipëria feston Ditën Kombëtare të Rinisë, duke shënuar 34 vjet që kur studentët dhe të rinjtë shqiptarë u ngritën kundër një prej regjimeve më të ashpra komuniste të Europës, duke shënuar rënien e tij dhe duke formësuar të ardhmen e kombit. Më 8 dhjetor kujtojmë ata që luftuan për demokraci. Rinia e sotme vazhdon të formësojë të ardhmen e Shqipërisë dhe Shtetet e Bashkuara qëndrojnë me ju ndërsa ecni përpara në rrugën tuaj drejt anëtarësimit në BE”, shkruan në Facebook ambasada e SHBA.

LEXONI GJITHASHTU:

• 8 Dhjetori, Dita Kombëtare e Rinisë
• Nesër 8 Dhjetori, të rinjtë e PD paralajmërojnë marshim-protestë