Risitë e festivalit të 63 të këngës, vetëm një çmim i madh. Fituesi në Eurovision

Festivali i 63-të i Këngës po afron, ndërsa në një konferencë për mediat, janë zbuluar detaje dhe risitë e këtij eventi spektakolar për publikun shqiptar dhe jo vetëm.

Ky fetival do të ketë vetëm një fitues që do të përfaqësojë Shqipërinë edhe në Eurovizion.

“Do jetë një çmim i parë dhe çmimi i parë do të shkojë edhe në Eurovizion dhe unë jam shumë e qetë me këtë vendimmarrje”,-tha Elhaida Dani, drejtoresha artistike e festivalit.

Në këtë festival do të ketë edhe të ftuar special ndërsa i gjithë spektakli do të jetë i ndërthurur mes tradicionales dhe modernes.

“Është shumë interesante që këtë vit nuk këndohet vetëm për dashurinë, për ndjenjën për zhgënjimin por edhe për kauzat sociale”,-tha Zefina Hasani.

Për herë të parë, Fest 63 do të prezantojë një sistem votimi të zgjeruar, ku do të përfshihet edhe diaspora.

Festivali i këtij viti do të jetë në moderimin e Enkel Demit dhe Ornela Bregut

Magjia e spektaklit do të jetë nën regjinë e Redi Trenit, ku risi të shumta ka dhe në skenografi.

Edicioni i 63 i Festivalit të Këngës në RTSH do të zhvillohet nga data 19 deri në 22 dhjetor në sallën e madhe të Pallatit të Koncerteve.

LEXONI GJITHASHTU:

• Starton festivali i verës në Berat, 41 kantina nga Shqipëria e Kosova në Berat
• “Ahengu Shkodran”, mbyllet edicioni i 12 i festivalit në Muzeun Historik të qytetit