Ndeshja Shqipëri-Serbi, gazetari Tami Kona: Nuk ka futboll, në mes është Kosova!

Gazetari sportiv Tami Kona ka folur në Euronews Albania për ndeshjet që Shqipëria pritet të luajë me Anglinë, Serbinë, Letoninë dhe Andorrën.

Ai e quan Anglinë një nga grupet më të forta të botës në futboll, dhe thekson se do të jetë një përballje e vështirë.

“Shqipëria e di shumë mirë që do përballet me një nga grupet më të forta të botës siç është Anglia dhe më një komëbëtare me një eksperiencë të madhe në futboll siç është Serbia. Kur flasim për ndeshjen me Serbinë, këtu nuk flasim për futboll. Mes Shqipërisë dhe Serbisë në mes është Kosova”, shpjegoi në këndvështrimin e tij Kona.

Kona foli gjithashtu dhe për sa i përket pritshmërive që ka vetë ai për këto ndeshje.

“Një ndeshje Shqipëri-Serbi ka vëshitrësinë e vet. Vërtet do luhet futboll por ndeshja e fundit mes dy ekipeve përfundoi nëpër gjykatat sportive të UEFA-s.

Pritshmëritë janë të atilla që të luash kundër Anglisë, për mua shanset janë shumë të mëdha që ne ta mundim dhe ti marrim pikët për të dalë në vendin e parë. Kam mendimin që ndoshta Shqipëria do të duhet të marrë dy rezultate pozitive kundër Serbisë”, tha gazetari Tami Kona.