“Djemtë e Detit” kujtojnë episodin: Kur na ndaluan të vendosnim shallet

Në emisionin “Profil” në Euronews Albania ishin të ftuar pjestarët e një prej grupeve të para të rock-ut shqiptar “Djemtë e Detit”.

Një grup çunash të rinj nga Lezha që në 90-tën i bashkoi dashuria për muzikën dhe revolta e rinisë të cilën ata e shprehnin me art…

“Djemtë e Detit” sot janë pa solistin kryesor Gent Demaliaj i cili fatkeqësisht u nda nga jeta disa vite më parë por është prezent në çdo këngë të grupit që ishte dhe është ende hit.

Ata kujtuan me emocione ngjarje nga karriera e tyre ku treguan dhe episodet në lidhje me censurën ose kornizat që vendoseshin në aktivitetet artistike dhe një nga episodet kur u kishin kërkuar që të mos vendosnin shallet.

“Çdo gjë ka qenë me kornizë dhe mbaj mënd në një nga këto festivalet na thanë; Çuna mos vendosni shallët. Ne i thamë jo, jo nuk do ti vemë, por sa dolëm ne skenën e festivalit ne ishim me shalla. Pavarësisht se i shkelëm ato parime në atë festival ne morëm çmimin e parë”, thonë pjesatërt e grupit “Djemtë e Detit”.

Ata shprehen se publiku i ka suportuar me një çiltërsi moshe; Sidomos adoleshentët pasi si çdo grup në ato fillimet e reja, bashkëmoshatarët reagonin, dhe ne na kanë pritur jashtëzakonisht mirë”, thanë pjestarët e grupit.

LEXONI GJITHASHTU:

• Me lahutë e çifteli, “Djemtë e Detit” rikthehen pas 24 vitesh
• Arkiva e Rezarta Reçit nga 750 intervista te beteja me kancerin…|PROFIL