Me lahutë e çifteli, “Djemtë e Detit” rikthehen pas 24 vitesh

Në emisionin “Profil” në Euronews Albania ishin të ftuar pjestarët e një prej grupeve të para të rock-ut shqiptar “Djemtë e Detit”.

Ata janë rikthyer në Festivalin e 63 të Këngës në RTSH me këngën “Larg” ku shpjeguan për krijimin e saj dhe arsyen e pjesmarrjes në këtë festival.

“Kemi impelmentuar dy instrumenta, që është lahuta në fillim dhe çiftelia në fund. Lahuta në fillim ka një thirje e vajtim nga larg për Shqipërinë, ndërsa në fund ne vijmë në Shqipëri dhe celebrojmë me çiftelinë. Vazhdon me kitarë, është shumë hard. Teksti është i Timo Fllokos. Ka qenë një eksperincë mjaft interesante ngaqë ia kemi dedikuar Shqipërisë kur unë isha në Australi ndërsa Timo në Amerikë dhe e kishim frymëzimin duke qenë larg vendit me mallin për Shqipërinë. Në festival jemi duke qenë se është live dhe skena është magjike, kemi ardhur mjaft seriozisht”, thonë pjestarët e grupit “Djemtë e Detit”.

“Djemtë e Detit” ishin një grup çunash të rinj nga Lezha që në 90-tën i bashkoi dashuria për muzikën dhe revolta e rinisë të cilën ata e shprehnin me art…

“Djemtë e Detit” sot janë pa solistin kryesor Gent Demaliaj i cili fatkeqësisht u nda nga jeta disa vite më parë por është prezent në çdo këngë të grupit që ishte dhe është ende hit.

LEXONI GJITHASHTU:

• “Djemtë e Detit” kujtojnë episodin: Kur na ndaluan të vendosnim shallet
• Parashqevi në festivalin e RTSH-së, si e sheh Zhani Ciko rikthimin e saj