Policia e Vlorës: 68-vjeçari që u gjet i vdekur ishte vetëm me qenin në banesë

Një person i moshës 68-vjeçare është gjetur i pajetë të dielën në zonën e Centrales në Vlorë, pjesë e lagjes “10 Korriku”. Sipas policisë viktima është Bashkim Durmishi dhe dyshohet për vdekje natyrale ndërsa dëmtimi në fytyrë dyshohet të jetë shkaktuar nga një kafshë shtëpiake që viktima mbante në shtëpi

Policia thotë se;”Nga këqyrja e trupit të shtetasit B. D, në morgun e Spitalit Rajonal Vlorë, nga grupi hetimor, në përbërje të të cilit ishin eksperti mjekoligjor dhe eksperti kriminalist, nuk u konstatuan dëmtime trupore që të kenë sjellë vdekjen. Paraprakisht, dyshohet për vdekje natyrale. Dëmtimi në fytyrë dyshohet të jetë shkaktuar nga një kafshë shtëpiake që viktima mbante në shtëpi. Kafsha shtëpiake u konstatua edhe nga shërbimet e policisë në momentin e mbërritjes në vendngjarje”.

Vijojnë veprimet për zbardhjen e plotë të rrethanave të rastit.

LEXONI GJITHASHTU:

• Vlorë, 68-vjeçari gjendet i pajetë në banesë, kishte shenja në fytyrë
• Vlorë, 68-vjeçari u gjet i pajetë në banesë, flasin fqinjet: Jetonte i vetëm