“Urdhër politik për të dhunuar Gjekmarkajn”, Bardhi: Do e çojmë në SPAK

Nënkryetari i Partisë Demokratike Gazment Bardhi tha në një deklaratë për mediat nga spitali i Traumës ku vizitoi deputetin Agron Gjekmarkaj, se do t’i çojnë në SPAK njerëzit që e dhunuan atë.

Bardhi u shpreh se policia me deklaratën e publikuar ka dalë zbuluar duke marrë autorësinë e urdhrit politik për të dhunuar Gjekmarkajn.

“Është përgjegjësi e ministrit të Brendshëm, zinxhir komandues të policë që të vënë para përgjegjësisë personat që kanë dhunuar një njëri paqësor si nënkryetari i Kuvendit Agron Gjekmarkaj. Duke mashtruar opinionin publik me atë deklaratë kanë dalë zbuluar duke marrë autorësinë e urdhrit politik për të dhunuar Gjekmarkajn. Të jenë të sigurt se do të marrin përgjigjen e merituar. Sa i takon gjendjes shëndetësore të Gjekmarkaj, ajo sipas mjekëve paraqitet e qëndrueshme. me shumë gjasa për shkak të specialitetit do të duhet të transferohet për në QSUT”, tha Bardhi.

LEXONI GJITHASHTU:

• Tensione në protestën e opozitës, shoqërohen 15 persona
• Nis me tensione protesta e opozitës, qytetari futet me makinë mes protestuesve