Nis me tensione protesta e opozitës, qytetari futet me makinë mes protestuesve

Protesta e opozitës duket se ka nisur me tensione. Në zonën te Pallati me Shigjeta në Tiranë, ka pasur përplasje mes protestuesve dhe një qytetari i cili ka tentuar të futet me makinë.

Njëri nga protestuesit dhe shoferi i mjetit filluan të përdornin edhe fjalë banale kundrejt njëri-tjetrit, por ishte njëra nga protestueset e cila ju afrua shoferit të mjetit dhe e bindi të mos konfliktoheshin.

Grumbullimi i militantëve të PD në 5 pika kyçe të kryeqytetit ka shkaktuar kaos në trafik, që gjithsesi ishte i ngarkuar ditën e sotme për shkak të motit të keq me reshje intensive shiu.

Ndërkohë mbi 1400 efektivë policie janë në terren për të siguruar mbarëvajtjen e protestës së opozitës që ka nisur në orën 17:00.

LEXONI GJITHASHTU:

• “Berisha është lideri i kombit”, protestuesi: Do triumfojë si Trumpi
• Tensionohet situata te sheshi “Willson”, Baçi: Polici më qëlloi me grusht në bark