PD po mban sot në Tiranë protestën e radhës në kuadër të asaj që e quan mosbindje civile.
Grumbullimi i militantëve të PD në 5 pika kyçe të kryeqytetit ka shkaktuar kaos në trafik, që gjithsesi ishte i ngarkuar ditën e sotme për shkak të motit të keq me reshje intensive shiu. Kjo situatë është shoqëruar me përplasje të drejtuesve të mjeteve me protestuesit e PD, të cilët kanë kërkuar nga këta të fundit që të lirojnë rrugën.
Një nga protestuesit e grumbulluar pranë sheshit Willson tha për Euronews Albania se do të qëndrojnë deri sa t’u jepet urdhër, por nuk përjashtohet mundësia të lëvizin për të bllokuar rrugë të tjera. Ai vlerësoi Sali Berishën si liderin historik të kombit që do triumfojë në zgjedhjet e ardhshme.
“Do protestojmë që të zhduket një herë e përgjithmonë kjo pjellë e komunizmit. Do qëndrojmë sa të na jepet urdhër, edhe mund të lëvizim, mund të bllokojmë rrugë të tjera. Berisha ka qenë dhe është lideri historik i kombit, ai do triumfojë, që nga zgjedhja e Trump…”, tha protestuesi.
