Digjet pema e Krishtlindjes në Siri, grupet fetare në protestë

Në Siri kanë shpërthyer protesta të ashpra pas djegies së një peme të Krishtlindjes në qytetin me shumicë të krishterë, Suqayla Ibiyah, pranë Hamës. Incidenti ndodhi një natë para festimeve të Krishtlindjes, kur dy persona të armatosur dhe të maskuar u shfaqën në një video duke i vënë zjarrin pemës së ekspozuar në sheshin kryesor të qytetit.

Fraksioni islamik Hayat Tahrir al-Sham (HTS), që kontrollon zonën, deklaroi se autorët e zjarrvënies tashmë të arrestuar, janë luftëtarë të huaj.

Grupet fetare dhe qytetarët kanë dënuar aktin, duke e konsideruar si një sulm ndaj pakicave fetare dhe tolerancës në vend.

Pas incidentit, një figurë fetare e HTS-së u përpoq të qetësonte situatën, duke mbajtur një kryq në shenjë solidariteti dhe duke premtuar se pema do të rindërtohej brenda natës. Kjo ka shkaktuar reagime të ndryshme, duke përfshirë protestat e mijëra qytetarëve në Damask, Suqaylabiyah dhe Hama, të cilët kërkojnë mbrojtje për pakicat fetare dhe qëndrueshmëri në vend.

Prania e luftëtarëve të huaj dhe ekstremistëve islamikë mbetet një sfidë e madhe për qeverisjen e re islamike në Siri, teksa popullsia kërkon stabilitet dhe mbrojtje nga akte të tilla.

LEXONI GJITHASHTU:

• “Të hiqen sanksionet”, udhëheqësi rebel Ahmed al-Sharaa: Siria nuk është kërcënim
• Turqi, qindra sirianë në protestë jashtë konsullatës ruse