Rusia largon asetet ushtarake nga Siria, zbulohen vendet ku po i dërgon

Rusia ka filluar të zvogëlojë praninë e saj ushtarake në Siri dhe të transferojë disa asete në Afrikë, sipas imazheve satelitore. Pas rrëzimit të regjimit të presidentit sirian Bashar al-Assad më 8 dhjetor, Rusia ka zhvendosur pajisjet e rëndësishme ushtarake nga bazat në Siri, përfshirë atë ajrore në Hmeimim dhe bazën detare në Tartus.

Ekspertët besojnë se Rusia po rrit praninë në Libi, Mali dhe Sudan, ndonëse këto shtete nuk ofrojnë mundësi praktike për operacione ushtarake. Imazhet satelitore sugjerojnë se pajisjet ushtarake ruse po transferohen nga Siria për në Afrikë, duke përfshirë aktivitet në bazën detare të Sudanit, që është nën kontrollin rus që nga viti 2019.

Lëvizja e pajisjeve ka një çmim të lartë logjistik, duke pasur parasysh nevojën për të mbështetur operacione ajrore dhe detare. Rusia po dërgon aeroplanë mallrash, përfshirë aeroplanët Il-76, nga Siria dhe Rusia për në Libi dhe Mali, duke përdorur hapësirën ajrore të Turqisë. Sidoqoftë, sfidat logjistike dhe kostot e lidhura me këto operacione mund të ndihmojnë Turqinë të rrisë avantazhin e saj politik mbi Rusinë.

LEXONI GJITHASHTU:

• VIDEO| Momenti kur vritet komandanti i armëve bërthamore në Moskë
• “Situata në Ukrainë po ndryshon dramatikisht”- Putin mban konferencën vjetore