Orteku godet skiatorët në alpet e Tirolit, dy të vdekur, në kërkim një i tretë

Dy skiatorë në rajonin austriak të Tirolit humbën jetën ditën e enjte. Aksidenti ndodhi pak para mesditës, pranë majës së malit Rosskopf në Hippach, kur masa e dëborës zuri poshte dy personat që po praktikonin në sportin e skive, raporton gazeta Tiroler Tageszeitung.

Në operacionin e shpëtimit morën pjesë tre helikopterë, ku gjetën dy të vdekurit ndërsa një person i tretë që mendohet se është goditur nga orteku është në kërkim.

Reshjet e dendura të dëborës ditët e fundit kanë rritur edhe rrezikun e ortekëve në lartësinë 2200 metra, raportuan mediat.

LEXONI GJITHASHTU:

• Tragjedi në botën e sporteve dimërore, Sophie Hediger goditet nga orteku i dëborës
• Austria: Po rishikojmë statusin e refugjatëve sirianë