Fundjava e fundit e 2024-ës sjell fluks në Kakavijë, shtohen hyrjet dhe daljet

Fundjava e fundit e vitit ka sjellë një fluks të lartë lëvizjes në doganën e Kakavijes. Gjatë 24 orëve të fundit, nëpërmjet kësaj dogane kanë udhëtuar nga Greqia drejt Shqipërisë 5,343 persona dhe 1,674 automjete. Pjesa më e madhe e udhëtarëve janë emigrantë që janë kthyer për të festuar festat e fundvitit me familjet e tyre.

Po ashtu, ka patur një lëvizje të konsiderueshme në drejtim të shtetit grek, ku janë regjistruar 2,938 persona dhe 972 automjete. Megjithatë, gjatë ditës së shtunë, në sportelet e kontrollit të dokumenteve nga të dyja anët e kufirit, nuk janë regjistruar radhë të gjata pritje.

Gjatë periudhës së festave, nëpërmjet doganës së Kakavijes, janë lëvizur rreth 80 mijë persona në kufirin me Greqinë.

LEXONI GJITHASHTU:

• Kakavijë, vijon fluksi në kufi për festat, 20 mijë persona lëvizën vetëm në fundjavë
• Media greke: Radhët në Kakavijë i zgjidh vetëm anëtarësimi i Shqipërisë në BE