Al Hilal me “sytë” drejt Ronaldos, kërkohet me ngulm portugezi

Mosha është veçse një numër është shprehja tipike që i përshtatet atij, yllit portugez Cristiano Ronaldo, i cili vijon të shkëlqejë në Arabinë Saudite. 39-vjeçar, por kjo nuk vërehet aspak kur shohim performancën e tij, prej së cilës ka tërhequr vëmendjen e një tjetër ekipi që dëshiron ta transferojë. Duket e çuditshme, por Al Hilal do të hyjë në tratativa për ta bindur Ronaldon t’u bashkohet, edhe pse duket një punë thuajse e pamundur për t’u konkretizuar.

Portugezi ndihet i lumtur te Al Nassr, ku përveç kontratës për 2.5 vite si futbollist, ka nënshkruar dhe se pas futbollit të luajtur do të vijojë të jetë ambasador i Arabisë Saudite në FIFA, por edhe në qeveri të tjera sportive në botë.

Al Hilal pritet të kryejë disa lëvizje në verë, një prej tyre Neymar, që pritet të transferohet në Brazil te Santos, ndërsa kampionët në fuqi shohin si zëvendësuesin e tij Ronaldon. Mbetet për t’u parë se çfarë do të ndodhë me këtë lëvizje, duke qenë se pak ditë më pas hapet dhe zyrtarisht merkato dimërore.

LEXONI GJITHASHTU:

• Cristiano Ronaldo bëhet i pari me 1 miliard ndjekës në rrjetet sociale
• E dua atë klub, Ronaldo: Manchester United të rindërtojë gjithçka nga fundi