Nga vizita e Blinken te nderimi i Dumanit, ambasada e SHBA ndan mesazhin për fundvit

Ambasada e Shteteve të Bashkuara të Amerikës në Shqipëri ka ndarë një mesazh të veçantë për fundvit, ku rendit disa nga momentet më të spikatura të bashkëpunimit mes Shqipërisë dhe SHBA gjatë vitit 2024.

Në një videomesazh të publikuar në rrjetet sociale, e ngarkuara me Punë, Nancy Vanhorn, ndau arritjet kryesore të ambasadës gjatë vitit që po mbyllet. Ajo shprehu krenarinë për përpjekjet e përbashkëta të Shqipërisë dhe SHBA për të forcuar demokracinë, për të ndërtuar partneritet të ngushtë në fushën e mbrojtjes dhe për të fuqizuar lidhjet ekonomike dhe tregtare.

Ambasada kujtoi gjithashtu vizitën e sekretarit të Shtetit, Antony Blinken, në Tiranë gjatë muajit shkurt, si dhe ardhjen e helikopterëve të parë Black Haëk, një arritje e mundësuar me 50 milionë dollarë ndihmë nga SHBA.

Gjithashtu ambasada kujtoi si një moment kyç dhe nderimin që Antony Blinken i bëri Altin Dumanit, si një nga “Kampionët kundër Korrupsionit” për vitin 2024.

“Në mbyllje të vitit 2024, kthehemi pas dhe ripërjetojmë disa nga çastet më të rëndësishme që thelluan partneritetin mes Shteteve të Bashkuara dhe Shqipërisë. Shikoni këtë video për të rikujtuar ngjarjet kryesore të këtij udhëtimi të përbashkët. Urime për një vit të mbushur me mundësi të reja dhe miqësi të forta,” – thuhet në njoftimin e ambasadës amerikane në Tiranë.

🇦🇱 Në mbyllje të vitit 2024, kthehemi pas në disa nga çastet e rëndësishme që kanë thelluar partneritetin midis Shteteve të Bashkuara dhe Shqipërisë. Shikoni këtë video për t’u rikthyer në disa nga ngjarjet kryesore nga udhëtimi ynë i përbashkët. Urime për një vit me mundësi të… pic.twitter.com/X5IPHvl5n0

— U.S. Embassy Tirana (@USEmbassyTirana) December 31, 2024

LEXONI GJITHASHTU:

• Kampion i Antikorrupsionit – Departamenti Amerikan i Shtetit vlerëson Altin Dumanin
• Ambasada amerikane uron Dumanin: Frymëzim për ata që besojnë të vërtetën