Ambasada amerikane uron Dumanin: Frymëzim për ata që besojnë të vërtetën

Ambasada amerikane në Tiranë ka uruar kreun e SPAK Altin Dumani për vlerësimin me Çmimin për Kampionët Kundër Korrupsionit për vitin 2024 nga Departamenti Amerikan i Shtetit.

Përmes një postimi në rrjetin X, ambasada e SHBA e cilëson Dumanin frymëzim për të gjithë ata që besojnë në fuqinë e së vërtetës dhe llogaridhënies.

”Ambasada e SHBA i shpreh urimet Altin Dumanit për vlerësimin me Çmimin për Kampionët Kundër Korrupsionit për vitin 2024 në vlerësim të përpjekjeve të jashtëzakonshme në luftën kundër korrupsionit. Ky çmim nderon vendosmërinë, guximin dhe integritetin tuaj të palëkundur në ndjekjen e drejtësisë në emër të popullit shqiptar. Puna juaj frymëzon të gjithë ata që besojnë në fuqinë e së vërtetës dhe llogaridhënies. Ambasada e SHBA do të vazhdojë të punojë me ju, me SPAK dhe me të gjithë institucionet e drejtësisë për të bërë realitet barazinë përpara ligjit për të gjithë qytetarët e Shqipërisë”, shkruhet në një postim në X të ambasadës së SHBA.

LEXONI GJITHASHTU:

• Kampion i Antikorrupsionit – Departamenti Amerikan i Shtetit vlerëson Altin Dumanin
• Dumani në parlament: Kemi ndjekur penalish pushtetarë, deputetë, gjyqtarë dhe policë