Durrës, parandalohet përshkallëzimi i një konflikti me armë, arrestohet 35-vjeçari

Gjatë patrullimeve rutinë për garantimin e rendit dhe sigurisë publike, shërbimet e Policisë së Durrësit kanë konstatuar një përplasje mes disa shtetasve në një lokal të zonës.

Për të parandaluar agravimin e situatës, ka ndërhyrë menjëherë Patrulla e Përgjithshme, e cila ka arrestuar 35-vjeçarin, Geront Vrioni, banues në lagjen nr. 13, Durrës ku pas kontrollit, atij iu gjet një armë zjarri kallashnikov.

“Si rezultat i ndërhyrjes së menjëhershme të Patrullës së Përgjithshme në kuadër të operacionit policor të koduar “Momentum”, është parandaluar përshkallëzimi i një konflikti të mundshëm me armë zjarri në Durrës. Policia ka arrestuar në flagrancë një 35-vjeçarin G.V. i cili u kap me armë zjarri kallashnikov pas një konflikti të nisur për motive të dobëta në ambientet e një lokali në lagjen nr. 13″, thuhet në njoftimin e policisë.

LEXONI GJITHASHTU:

• Si lindi konflikti për pronën në Durrës? Flet për Euronews Albania familja Kapllani
• Pasagjerja pëson abort teksa ishte nisur për Bari, kthehet në radë trageti në Durrës