U prek nga fishekzjarret në Kosovë, i lënduari dërgohet për trajtim në Turqi

Natën e 31 dhjetorit një person u lëndua për shkak të një shpërthimi të një pike shitjeje të mjeteve piroteknike në Prizren. Ai është dërguar për trajtim më të specializuar në Turqi.

Ngjarja e rëndë ndodhi në rrugën “Ahmet Prishtina” në Prizren, në natën e Vitit të Ri.

Pas lëndimit nga zjarri i madh, ai ishte dërguar në Qendrën Klinike Universitare të Kosovës ku ka qëndruar deri më 6 janar.

Bashkësia Islame e Kosovës tha përmes një njoftimi se në bashkëpunim me Ambasadën turke në Prishtinë, kanë mundësuar që personi i lënduar të dërgohet me aeroplan special për në Turqi.

Sipas BIK-ut, trajtimi do të bëhet në Qendrën Hulumtuese Spitalore për djegie të thella në Stamboll.

LEXONI GJITHASHTU:

• Aksident i rëndë në Kosovë, ndërron jetë një person në Lipjan
• Festimet për Vitin e Ri/ 16 persona të dëmtuar nga fishekzjarret!