Bayern “çmendet” pas Gyökeres, gjermanët ofrojnë miliona euro për suedezin

12 muajt që lamë pas ishin më të suksesshmet për sulmuesin e Sportingut të Lisbonës, Viktor Gyökeres, i cili ka marrë vëmendjen e skuadrave më të mëdha në kontinentin e vjetër. 26-vjeçari arriti të realizojë 60 gola në vitin që sapo u mbyll, duke shënuar një rekord personal e jo vetëm, pasi një shifër të tillë e kanë arritur vetëm lojtarë si Messi, Lewandoëski apo CR7. E gjitha kjo e arritur në një skuadër si Sportingu, që pavarësisht se në ligë nuk ka shumë konkurrencë, sulmuesi qendror arriti të jetë goleador edhe në Evropë.

Portugezët e kanë të vështirë ta mbajnë në skuadër atë, pasi ka ardhur dhe oferta e parë zyrtare nga Bayern Munchen. Rekordmenët e Gjermanisë kanë gati afro 90 milionë euro për Gyökeres, ndërsa tani topi është në fushën e Sportingut. Janë drejtuesit ata që do të marrin vendimin përfundimtar.

Krahas Bayernit është dhe Manchester United, që po ashtu dëshiron të afrojë 26-vjeçarin që në 28 ndeshje numëron 30 gola. Problemet ekonomike bëjnë që “djajtë e kuq” të stepen paksa nga rivalët bavarezë, por shitja e një pjese të futbollistëve mund të sjellë zhvillime, sidomos kur trajner është Ruben Amorim, një mik i Gyökeres, që me gjasa po përpiqet ta bindë futbollistin të zgjedhë ishullin.