Trump paralajmëron: Ferri do shpërthejë në Lindjen e Mesme nëse pengjet nuk lirohen

Presidenti i zgjedhur i SHBA-së, Donald Trump ka mbajtur një konferencë shtypi në Florida këtë të martë, ku ka adresuar disa pyetje në lidhje me bisedimet e armëpushimit në Gaza.

Ai tha se nëse robërit nuk kthehen në kohën kur ai merr detyrën, “i gjithë ferri do të shpërthejë në Lindjen e Mesme dhe nuk do të jetë mirë për Hamasin dhe nuk do të jetë mirë, sinqerisht, për askënd”.

Trump e ka përdorur këtë linjë më parë , duke thënë në një postim në mediat sociale të 2 dhjetorit ku u shpreh se do të ketë “ferr për të paguar” nëse një marrëveshje armëpushimi nuk nënshkruhet deri në kohën kur ai është në detyrë.

Donald Trump do të inaugurohet për mandatin e tij të dytë presidencial në SHBA më 20 janar 2025.

LEXONI GJITHASHTU:

• “Diçka e çuditshme…” Donald Trump komenton rreth dronëve në disa shtete amerikane
• Kuba: Plani i Donald Trumpit për dëbim masiv të imigrantëve është joreal